Neftçalada xarabalığa çevrilən bələdiyyə binası

  • 27 yanvar, 15:45
  • 0000, 00:00

Neftçalada xarabalığa çevrilən bələdiyyə binası

 “Hamam” deyə tanınan bu binanı birinci çağırış Bələdiyyə seçkilərində bələdiyyəyə qərargah kimi verdilər. O vaxtı bina yararlı və qismən baxımlı vəziyyətdə idi. Nədənsə sonrakı çağırış bələdiyyələr laməkanlığı seçdilər”

 

Xəbər veririk biləsiniz ki, bu sözləri Neftçala rayon Həsənabad kənd bələdiyyəsinin fəaliyyətsizliyindən Belediyye.netə danışan qəsəbə sakini deyib.

 

“Üçüncü və dördüncü çağırış seçkilərdə bələdiyyə üzvləri arasında bəzi dəyişikliklər olsa da sədr elə həmin sədrdir. İbadov Qardaş Məzahir oğlu yenə sədrliyində qaldı. Üstəlik də bələdiyyə fəaliyyətini bələdiyyə binasında yox, özünün şəxsi əmlakı olan dükan kompleksində təkbaşına göstərir" , sakin bildirib.

 

“Yerli adamlar isə deyirlər evsizlikdən əziyyət çəkən bu qədər ailə varkən, binanı nə bələdiyyə binası kimi istifadə etdilər, nə də evsizlərə verdilər. Hazır tikilidir, yüngülvari təmir olunsa yaşamaq mümkündür”, sakin əlavə edib.

 

Fotolardan da göründüyü kimi bələdiyyə binası sözün əsl mənasında xarabalığa çevrilib.


Məsələnin vacib tərəfi ondan ibarətdir ki, bələdiyyənin binası olmadığına görə(əslində var) nə bir iclas keçirilir, nə bələdiyyə üzvləri bir-birini tanıyır, nə də hesabat verilir.

Belediyye.netin əməkdaşının araşdırmalarına görə 7 üzv barədə məlumatlar əldə olunub. Dediyimiz kimi bu üzvlər hər-hansı iclasda iştirak edtmir, hətta bir-birlərini də tanımırlar.

 

Qeyd edək ki, Bələdiyyə, bələdiyyə iclasında təsdiq olunmuş reqlamentə müvafiq surətdə fəaliyyət göstərir. Reqlamentdə bələdiyyə iclasının çağırılması və əhali ilə görüşlərin təşkili qaydaları, bələdiyyənin fəaliyyəti ilə bağlı digər məsələlər əks olunur. Müvafiq icra hakimiyyəti orqanı tərəfindən bələdiyyələr üçün nümunəvi reqlament tövsiyə edilə bilər.

Bələdiyyə iclası, ayda bir dəfədən az olmayaraq, bələdiyyənin sədri tərəfindən və ya bələdiyyə ərazisində yaşayan və səsvermə hüququ olan vətəndaşların azı iyirmi beş faizinin, yaxud bələdiyyə üzvlərinin üçdə bir hissəsinin təşəbbüsü ilə çağırılır.

Bələdiyyə iclası bələdiyyə üzvlərinin yarısından çoxu iştirak etdikdə səlahiyyətlidir. Bələdiyyənin icra aparatı (bələdiyyənin icra aparatı olmadıqda isə - bələdiyyənin sədri) iclas gününə azı 5 (beş) gün qalmış iclasın keçiriləcəyi tarix, yer və vaxt barədə bələdiyyə üzvlərini və iclasa dəvət olunan şəxsləri xəbərdar edir, iclasın gündəliyinin layihəsini bələdiyyə üzvlərinə təqdim edir

Bələdiyyə iclaslarının keçirilməsi məcburidir və müvafiq protokol qaydalarına görə aşağıdakı formada aparılır.

 Bələdiyyə iclasının keçirilməsi qaydaları

Belediyye.net

Sorğu

Copyright 2022 BELEDIYYE.NET.