Biləsuvarda marşrut mikroavtobusları qəzalı vəziyyətdədir

  • 23 sentyabr, 10:05
  • 0000, 00:00

Biləsuvarda marşrut mikroavtobusları qəzalı vəziyyətdədir

Biləsuvarda marşrut mikroavtobusları qəzalı vəziyyətdədir.

Bu barədə "Report"un Muğan bürosuna rayon sakinləri məlumat verib.

Sakinlər bildirib ki, istifadə etdikləri avtobus və mikroavtobuslar artıq köhnəlib:

"Əsasən rayon mərkəzindən kəndlərə sərnişin arasında işləyən marşrut xəttlərindəki mikroavtobuslar qəzalı vəziyyətdədir. Demək olar ki, çoxu istfadəyə yararsızdır. Yayda istidən, qışdada soyuqdan nəqliyyat vasitəsində oturmaq olmur. Bəzən küləkli havada avtomobilin dır-deşiyindən içəri toz-torpaq dolur. Nəfəs belə almaq olmur. Biz xahiş edirik ki, müasir kondisionerli mikroavtobuslarla təmin olunanaq. Mikroavtobuslar köhnə olduğu üçün 15-20 dəqiqəlik yolu, yarımsaata gedirik".

Məsələ ilə bağlı Dövlət Avtomobil Nəqliyyat Müvəttişliyinin Lənkəran Regional Şöbəsindən bildirilib ki, nasaz və texniki tələblərə cavab verməyən nəqliyyat vasitələrinin istismarı qadağan olduğu üçün xəttə buraxılmır: "Sərnişindaşımada istifadə olunan avtobus və mikroavtobusların texniki vəziyyəti daim diqqətdə saxlanılır. Əgər hər hansı texniki nasazlıq aşkar olunarsa həmin avtobus və ya mikroavtobus xəttə buraxılmır. Hazırda marşurutlar üzrə ümümilikdə 50-dən artıq mikroavtobus istismardadır ki, onların saz saxlamaları ilə bağlı daima sürücülərlə söhbətlər aparırıq. Həmçinin çalışırıq ki, daha iri tutumlu, tələblərə cavab verən yeni avtobuslar gətirilsin ki, sərnişinlərin rahatlığı tam təmin olunsun".

Qeyd edək ki, hazırda Biləsuvar rayonu üzrə 12 istiqamətdə sərnişindaşıma həyata keçirilir. Bunlar rayonun Səmədabad, İsmətli, Çaylı, Ağayrı, Təzəkənd, Ovçubərə, Əsgərabad, Bəydili, Xırmandalı və Çinarlı kəndləridir.

 

Belediyye.net

Copyright 2022 BELEDIYYE.NET.